बीडच्या १४३ धरणांमध्ये केवळ १३.३० टक्के पाणीसाठा !
पाटबंधारे प्रकल्पातील पाणीसाठा पिण्यासाठी आरक्षित करण्याचा जिल्हाधिकार्यांचा आदेश
बीड – मराठवाड्यातील अनेक जिल्ह्यांत पावसाने दडी मारली असल्याने धरणातील पाणीसाठा न्यून झाला असून अनेक प्रकल्प कोरडेठाक पडले आहेत. बीड जिल्ह्यातील १४३ धरणांमध्ये केवळ १३.३० टक्केच उपयुक्त पाणीसाठा उपलब्ध आहे. त्यामुळे पुढील आदेशापर्यंत पाटबंधारे प्रकल्पातील पाणीसाठा पिण्यासाठी आरक्षित करण्याचा आदेश जिल्हाधिकारी दीपा मुधोळ यांनी दिला आहे.