कुराण जाळण्याच्या घटनांवर आळा घालण्यासाठी डेन्मार्क आणणार कायदा !

अल्जेरियाच्या परराष्ट्र मंत्रालयाचा दावा !

कोपनहेगन (डेन्मार्क) – युरोपीय देश डेन्मार्क येथे मुसलमानांचा धर्मग्रंथ कुराणला जाळण्याच्या अनेक घटना झाल्यामुळे डेन्मार्कचे परराष्ट्रमंत्री लार्स लॉक्के रास्मुसेन यांनी आमचे परराष्ट्रमंत्री अहमद अत्ताफ यांच्याकडे क्षमा मागितल्याचा दावा अल्जेरियाच्या परराष्ट्र मंत्रालयाने केला. डेन्मार्कमधील विविध इस्लामी देशांच्या दूतावासांच्या बाहेर विविध डॅनिश नागरिकांनी कुराणाच्या प्रती जाळल्याच्या घटना गेल्या काही मासांत समोर आल्या आहेत. यांमध्ये अल्जेरियाच्या दूतावासाचा समावेशही होता.

Denmark ponders law to ban burning of the Koran in front of embassies https://t.co/dLudTKZBdp

Denmark’s foreign minister said on Sunday that the government will seek to make it illegal to desecrate the Koran or other religious holy books in front of foreign embassies in the… pic.twitter.com/eA86SviYIV

— Faith Matters (@FaithMattersUK) July 31, 2023

अल्जेरियन परराष्ट्र मंत्रालयाच्या मते, रास्मुसेन यांनी या घटनांना असहिष्णु आणि अस्वीकारार्ह असल्याचे म्हटले आहे. ही कृत्ये डॅनिश समाजात रुजलेल्या आतिथ्य, सर्वसमावेशकता आणि सहिष्णुता या अंगीभूत गुणांच्या विरोधी आहेत. आम्ही अशा घटना घडू नयेत, म्हणून एक कायदा आणणार आहोत. पुढील ४ आठवड्यांत यासंदर्भातील विधेयक डेन्मार्कच्या संसदेत मांडण्यात जाईल, असे आश्‍वासन रास्मुसेन यांनी दिल्याचे अल्जेरियन मंत्रालयाचे म्हणणे आहे. जुलै मासाच्या आरंभी स्वीडनचे पंतप्रधान उल्फ क्रिस्टरसन यांनी अशा घटनांवर पुष्कळ चिंतित असल्याचे म्हटले होते.