आठवण तुमची फार येते देवा ।
१०.२.२०२३ या दिवशी नामजप करतांना गुरुदेवांची (सच्चिदानंद परब्रह्म डॉ. जयंत आठवले यांची) आठवण येत होती. तेव्हा त्यांच्याशी झालेला काव्यरूपी संवाद पुढे दिला आहे.
आठवण तुमची फार येते देवा ।
भेटणार पुन्हा सांगा मज केव्हा ॥ १ ॥
भेटीसाठी व्याकुळतेने करते मी धावा ।
दर्शनाचा क्षणमोती भेट मज द्यावा ॥ २ ॥
भावमोत्यांची सुंदर माला पहाते मी जेव्हा ।
हरपून जाते पहा भान माझे तेव्हा ॥ ३ ॥
हवास तू देवा, मजला हवास तू ।
‘आता केवळ देवच हवा. आणखी काही नको’, असे कधी-कधी वाटते, तेव्हा सुचलेल्या ओळी….
सोबतीला क्षणोक्षणी ।
हवास तू देवा, मजला हवास तू ॥ १ ॥
स्वभावदोष, अहं हे नकोत मजला ।
केवळ देवा, हवास तू ॥ २ ॥
मोह, माया त्यागून आले; कारण ।
हवास तू देवा, मजला हवास तू ॥ ३ ॥
विसावते जेव्हा तुझ्या चरणी मन ।
‘मनाला शांती केवळ श्रीगुरुच देऊ शकतात’, याची जाणीव झाल्यावर सुचलेल्या काव्यपंक्ती…
विसावते जेव्हा तुझ्या चरणी मन ।
हरवते ते स्वतःचेच भान ॥ १ ॥
विसावणे तुझिया चरणी ।
असे हे माझ्या शांतीचे कारण ॥ २ ॥
– सौ. स्वाती संदीप शिंदे, (आध्यात्मिक पातळी ६५ टक्के), सनातन आश्रम, रामनाथी, गोवा. (२३.३.२०२३)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |