अंतत: ‘लव्ह जिहाद’च्या विरोधात होणार राष्ट्रव्यापी कायदा !

लव्ह जिहादचे नाव न घेता कायद्यामध्ये ‘ओळख लपवून केलेला विवाह गुन्हा असेल’, असा उल्लेख; किमान १० वर्षांची होणार शिक्षा !

नवी देहली – ब्रिटीशकालीन कायदे रहित केले जाणार असून त्यांच्याऐवजी जनतेला दंडित करणारे नव्हे, तर न्याय देणारे कायदे आणण्यात येतील, अशी माहिती केंद्रीय गृहमंत्री अमित शहा यांनी ११ ऑगस्ट या दिवशी लोकसभेत दिली. यानुषंगाने मुली आणि महिला यांच्यावरील अत्याचारांच्या संदर्भात अत्यंत कठोर कायदे बनवण्यात येण्याचे सुतोवाचही शहा यांनी केले आहे. स्वत:ची ओळख म्हणजेच धर्म लपवून कुणा महिलेशी विवाह केल्याच्या दोषी पुरुषाला कठोर शिक्षा केली जाईल, असेही शहा म्हणाले.

‘लव-जिहाद’ के खिलाफ मोदी सरकार लेकर आई कानून! अब पहचान छिपाकर बनाया यौन संबंध तो मिलेगी ये सजाhttps://t.co/UALAyO0jjq

— Zee Bihar Jharkhand (@ZeeBiharNews) August 12, 2023

१. सध्या लव्ह जिहादने देशभरात थैमान घातले आहे. या दृष्टीने केंद्रशासन आणत असलेल्या या कायद्यामुळे लव्ह जिहादवर आळा बसण्यास साहाय्य होईल, असे सांगितले जात आहे. यामध्ये स्वत:ची ओळख लपवून नोकरी अथवा पदोन्नती देण्याच्या नावाखाली विवाह केल्यास त्यावरही शिक्षेचे प्रावधान असणार आहे.

२. सध्या कुणा महिलेशी विवाह करण्याचे कारण देत लैंगिक संबंध प्रस्थापित करणार्‍याला बलात्काराचा गुन्हा म्हणता येत नाही; परंतु नव्या कायद्यामध्ये यावर प्रावधान असेल. यामध्ये किमान १० वर्षांच्या शिक्षेसह दंडही ठोठावला जाईल.

३. ‘भारतीय दंड विधान, १८६०’च्या ऐवजी येणार असलेले ‘भारतीय न्याय संहिता २०२३’मध्ये महिलांवरील अत्याचारांच्या विरोधात कायदे असणार आहेत.