छत्रपती शिवरायांचा पराक्रम ऐकून होणार मंत्रालयाच्या नियमित कामकाजाचा प्रारंभ !

मुंबई – यापुढे मंत्रालयात नियमितपणे कामकाजाला प्रारंभ होण्यापूर्वी छत्रपती शिवाजी महाराज यांच्या पराक्रमाचा इतिहास सांगितला जाणार आहे. ९ ऑगस्ट या क्रांतीदिनाच्या निमित्ताने मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत या स्तुत्य उपक्रमाला प्रारंभ करण्यात आला.

सौजन्य टीव्ही 9 मराठी 

मंत्रालयाच्या कामकाजाला प्रारंभ होण्यापूर्वी सकाळी १०.४५ वाजता छत्रपती शिवरायांच्या पराक्रमाविषयीची माहिती मंत्रालयाच्या सर्व विभागांमध्ये २-३ मिनिटे ऐकवली जाणार आहे. सांस्कृतिक कार्यमंत्री सुधीर मुनगंटीवार यांच्या संकल्पनेतून हा उपक्रम राबवला जाणार आहे. छत्रपती शिवाजी महाराज यांच्या ३५० व्या राज्याभिषेक सोहळ्याच्या निमित्ताने हा उपक्रम वर्षभर राबवला जाणार आहे.