नाम हाच आधार ।
पुढे व्यथा (टीप १) मागे कथा (टीप २)।
नाम हाच आधार ॥ धृ.॥
पारावरच्या झाडावर ।
किलकिलाट फार ॥
तेथेच मन रमे अपार (टीप ३) ।
नाम हाच आधार ॥ १ ॥
आजारी पडता सत्वर धावे वैद्याकडे ।
आराम पडता विसरून जाई वैद्यास ।
परि भवरोग कैसा निपटील ।
नाम हाच आधार ॥ २ ॥
आई-बाबांविना जन्म व्यर्थ ।
तैसे भावभक्तीविना नाम व्यर्थ ।
भावभक्तीसह होऊ दे नामोच्चार ।
नाम हाच आधार ॥ ३ ॥
शोधत होतो शांतीला ।
प्रेमात होतो शांतीच्या ।
परि भेटली ती मात्र श्री गुरुचरणी नामरूपे ॥
नाम हाच आधार ॥ ४ ॥
नाम हेच अमृत, नाम हेच शांतीचे रूप ।
गुरुचरणांचे स्थान असे शांतीचे धाम ।
गुरुराया, द्यावे मज आपुले चरणधाम ॥
नाम हाच आधार ॥ ५ ॥
टीप १ – कर्म
टीप २ – प्रारब्ध
टीप ३ – संसारात मन रमते.
– सौ. नम्रता ठाकूर (आध्यात्मिक पातळी ६४ टक्के), ठाणे (१२.३.२०२०)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |