बंगालमधील एका घरातून १२ सहस्र जिलेटीनच्या कांड्या जप्त !

पोलिसांकडून घरमालकाची ओळख उघड करण्यास नकार !

कोलकाता (बंगाल) – बिरभूम जिल्ह्यातील रामपुरहाट उपविभागातील रादीपूर या गावात असलेल्या एका घरातून १२ सहस्र जिलेटीनच्या कांड्या जप्त करण्यात आल्या. या कांड्या ६० खोक्यांमध्ये ठेवण्यात आल्या होत्या. या घरात जिलेटीनच्या कांड्या ठेवण्यात आल्याची गुप्त माहिती पोलिसांना मिळाल्यानंतर पोलिसांनी घरावर धाड घातली.

West Bengal: Police recover 12000 gelatin sticks, capable of large-scale explosion, from a house in Birbhumhttps://t.co/nhT3e9ld0d

— OpIndia.com (@OpIndia_com) August 7, 2023

पोलिसांनी हे घर बंद (सील) केले असून घरमालकाची ओळख अद्याप उघड केलेली नाही.  या प्रकरणी पोलिसांनी स्वतःहून तक्रार प्रविष्ट करून घेतली.

जून २०२३ मध्येही पोलिसांनी बंगालमधील २४-परगणा जिल्ह्यातील भानगर येथून अशा प्रकारची स्फोटके जप्त केली होती.