हिजाबऐवजी गणवेशात येण्याचे आवाहन करणार्‍या मुख्याध्यापकाच्या कार्यालयाचीच मुसलमान विद्यार्थ्यांकडून तोडफोड !

त्रिपुरा राज्यातील सिपाहीजला येथील घटना

(हिजाब म्हणजे मुसलमान महिलांनी डोके आणि मान झाकण्यासाठी वापरलेले वस्त्र)

आगरतळा (त्रिपुरा) – राज्यातील सिपाहीजला या जिल्ह्यात असलेल्या कोरोइमुरा उच्च माध्यमिक विद्यालयाचे मुख्याध्यापक प्रियतोष नंदी यांनी मुसलमान विद्यार्थिनींना हिजाबऐवजी शाळेच्या गणवेशात येण्यास सांगितले होते. हिजाब परिधान करण्यापासून रोखण्यात आल्याने मुसलमान विद्यार्थिनींच्या एका गटाने संतप्त होऊन मुख्याध्यापकांच्या खोलीची तोडफोड केली. यामध्ये काही मुसलमान विद्यार्थीही सहभागी झाले.

Hijab row reaches Tripura, Muslim student vandalises headmaster’s office in ‘protest’ against school uniform, gets thrashedhttps://t.co/RJPQ0DNeKb

— OpIndia.com (@OpIndia_com) August 5, 2023

या घटनेनंतर त्यातील एक मुसलमान विद्यार्थी शाळेच्या आवारातून बाहेर आला असता विश्‍व हिंदु परिषदेच्या काही हिंदुत्वनिष्ठांनी त्याच्यावर कथित रूपाने आक्रमण केल्याचा दावा केला जात आहे. या घटनेची माहिती मिळताच पोलीस घटनास्थळी पोचले. या प्रकरणी गुन्हा नोंद करण्यात आला असून पुढील अन्वेषण चालू आहे, असे पोलिसांनी सांगितले. तसेच या घटनेला कोणतीही धार्मिक बाजू नसल्याचेही त्यांनी स्पष्ट केले आहे.