परात्‍पर गुरु डॉक्‍टरांच्‍या स्‍मरणाने व्‍याकुळ होऊन भावपूर्ण कविता करणारे आणि श्री गुरूंच्‍या पादुका पाहून कृतज्ञताभावात असणारे देहली येथील श्री. देवेन पाटील !
प्रार्थितो मी देवा, जगाचा विसर पडावा ।
प्रार्थितो मी देवा, जगाचा विसर पडावा ।
त्रासियले या जिवास, षड्‍रिपुंनिया ॥ १ ॥
तन-मन देहासी, सतत पडे तुझा विसर ।
परी तूची तू आनंदा, घेई समजूनी सदैव ॥ २ ॥
उद्धरीसी तू सर्वजना, व्‍यापक तू चराचरा ।
निज अंतरी वस जोपरे, मी देहलीत होत नसे ॥ ३ ॥
दिव्‍य तुझे त्रैलोक्‍य मनोहर, रूप नेत्री राहे सदा ।
तुझ्‍या कृपेचा महिमा, वर्णावा या मुखाने सदा ॥ ४ ॥
ये रे विठुराया, ये श्री जयंता माझ्‍या ।
गुरुराया, थकलो मी आता श्‍वास घेता ॥ ५ ॥
तुझ्‍या येण्‍याची वाट, मी हरिप्रसार करत पाहे ।
सदैव ध्‍येय मनी रंगे, तुझ्‍यात एकरूप होण्‍याचे ॥ ६ ॥
निळ्‍या सावळ्‍या अनिरुद्धा, घडवी तूच मला ।
केवळ तूच मुकुंदा, अधिकारी या जिवाचा ॥ ७ ॥
– श्री. देवेन पाटील, देहली (५.७.२०१९)
भगवंता, तुझ्‍याविना नको मला काहीच आता ।
भगवंता, मायेतून वाचवूनिया तू देवळात मज आणिले ।
परी मनुष्‍याकर्षणाने मला तुज विसरविले ॥ १ ॥
सर्व या मनाचा खेळ मोहना ।
क्षमा कर या शरणार्थी जिवा ॥ २ ॥
तुजविण खरंच कुणी नसे, तूच एकटा शाश्‍वत ।
परिपूर्णता केवळ तुझ्‍यात, तरी का रहाते मन भटकत ॥ ३ ॥
नमितो सर्व आर्ततेने कृष्‍णा, यदुनंदना ।
तुझ्‍याविना सर्व अशक्‍य, याची करू शकत नाही कल्‍पना ॥ ४ ॥
नितांत तू प्रेमाचा सागर ।
मी गरीब दुःखी जीव ॥ ५ ॥
सदैव मजवरी केलेस तू प्रेम ।
तरी तुज आनंद देण्‍या पडलो मी न्‍यून ॥ ६ ॥
जवळ घे अनिरुद्धा अन् ।
आशीर्वाद दे, तुझा विसर कधी न पडो या जिवा ॥ ७ ॥
विचारांच्‍या त्रासांमुळे त्रासिले बुद्धीला ।
दृष्‍टीकोन तू अनंत देऊन यास लाव कृष्‍णमार्गाला ॥ ८ ॥
केवळ तूच आणि तूच वसे प्रत्‍येक विचारात ।
तुझ्‍याविना नको मला काहीच आता ॥ ९ ॥
– श्री. देवेन पाटील, देहली (५.७.२०१९) ॐ
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |