पुणे येथे महाविद्यालयीन विद्यार्थ्याची गळफास घेऊन आत्महत्या !
पुणे – फर्ग्युसन महाविद्यालयामध्ये बी.एस्.सी.च्या (भौतिकशास्त्र) तिसर्‍या वर्षात शिकणार्‍या ओम कापडणे या विद्यार्थ्याने गळफास घेऊन आत्महत्या केली आहे. मूळचा नाशिकचा असणार्‍या ओम याने पुणे येथील रहात असलेल्या वडारवाडी येथील ‘विष्णुकुंज वसतीगृहा’त गळफास घेतला. ही माहिती मिळताच ‘हेल्परायडर्स संघटने’च्या कार्यकर्त्यांनी ओम याला खासगी रुग्णालयात नेले; मात्र उपचारांपूर्वीच त्याचा मृत्यू झाला होता. घटनास्थळी चिठ्ठी आढळून आलेली नाही. ओमने हे पाऊल का उचलले, याचे अन्वेषण चालू आहे. चतु:श्रृंगी पोलीस ठाण्यात या घटनेची नोंद करण्यात आली आहे.