सद़्‍गुरु जाधवकाका, आपणांस कोटी कोटी नमस्‍कार ।
हे गुरुमाऊली, आपली केवढी ही प्रीती ।
आम्‍हा साधकांना येई नित्‍य प्रचीती ॥ धृ. ॥
तुजसम दिसती, चालती ।
तुजसम बोलती, तुजसम प्रीती करती ।
तव रूपाने ते आमच्‍यासाठी धावून येती ॥ १ ॥
त्‍यांच्‍या अस्‍तित्‍वाने ।
आणि संकल्‍पाने होते शंकांचे निरसन ।
गुरुदेवा, तुम्‍हीच आहात त्‍यांच्‍या रूपे ।
कित्‍येक साधकांना होते स्‍मरण ॥ २ ॥
गुरुदेवस्‍वरूप रहाती सदैव आमच्‍या मनी ।
सद़्‍गुरु नंदकुमार जाधवकाकांच्‍या पावन चरणी ।
आम्‍हा सर्व साधकांचा शिरसाष्‍टांग नमस्‍कार ।
अशीच कृपा आमच्‍यावर सदैव असावी, अशी आपल्‍या चरणी प्रार्थना ॥ ३ ॥
सद़्‍गुरु काका अपार कष्‍टाने घडवती साधकांना ।
आमचे प्रयत्न अल्‍प असूनही कौतुक करून प्रोत्‍साहन देती ।
स्‍वतः कष्‍ट घेऊन, अखंड भ्रमण करती ।
आम्‍हा साधकांच्या प्रेमापोटी ॥ ४ ॥
ज्‍यांच्‍या मनमोहक रूपाने, साधक आनंदात बुडून जाती ।
ज्‍यांच्‍या प्रेमळ शब्‍दाने साधकांची हृदये कृतज्ञतेने भरून येती ।
आम्‍हा सर्वांचा उद्धार होतसे तुमच्‍या कृपेने ।
आम्‍ही सर्व लेकरे करतो आपणांस कोटी कोटी नमस्‍कार ॥ ५ ॥
– श्री. हर्षद खानविलकर आणि सौ. क्षिप्रा प्रशांत जुवेकर (आध्‍यात्मिक पातळी ६४ टक्‍के), जळगाव (७.६.२०२२)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |