रझाकारांनी केलेल्या हिंदूंच्या नरसंहारावर आधारित ‘रझाकार – द सायलेंट जेनोसाइड ऑफ हैद्राबाद’ चित्रपटाचे भित्तीपत्रक प्रसारित !

(रझाकार – द सायलेंट जेनोसाइड ऑफ हैद्राबाद म्हणजे रझाकारांनी (निझामच्या कट्टरतावादी मुसलमान सैनिकांनी) हैद्राबादमध्ये केलेला नरसंहार !)

भाग्यनगर (तेलंगाणा) – ‘रझाकार – द सायलेंट जेनोसाइड ऑफ हैद्राबाद’ या आगामी चित्रपटाचे भित्तीपत्रक प्रसारित करण्यात आले आहे. या चित्रपटाच्या माध्यमातून निझामशाहीच्या काळात रझाकारांनी हिंदूंच्या विरोधात केलेल्या नरसंहाराचे चित्रण करण्यात आले आहे. १५ जुलै या दिवशी या भित्तीपत्रकाचे अनावरण भाजपचे माजी तेलंगाणा अध्यक्ष आणि खासदार बंदी संजय कुमार यांच्या हस्ते करण्यात आले. या वेळी भाजपचे अन्य नेते आणि महाराष्ट्राचे माजी राज्यपाल सी. विद्यासागर राव हेही उपस्थित होते.

सौजन्य मना स्टार 

या भित्तीपत्रकामध्ये ‘एका ब्राह्मण हिंदूला उभ्या बंदुकीच्या पुढे लावलेल्या चाकूवर लटकवल्याचे दाखवण्यात आले आहे. चाकू पाठीतून घुसून पोटातून बाहेर आल्याचे आणि सर्वत्र रक्त पसरल्याचे या भित्तीपत्रकात दिसत आहे. तसेच दोन्ही बाजूला काही घोडे दिसत असून काही लोकही तेथे उभे आहेत. ते बहुदा रझाकारांचे सैनिक असल्याचे सांगण्यात येत आहे.

१. या चित्रपटाचे निर्देशक हे भाजपचे नेते गुडुर नारायण रेड्डी आहेत. या चित्रपटाच्या संदर्भात ते म्हणाले की, हा चित्रपट धार्मिक संघर्षावर आधारित नाही, तसेच कुणामध्येही असंतोष निर्माण करण्यासाठीही बनवण्यात आलेला नाही.

२. चित्रपटाचे लेखक आणि दिग्दर्शक यता सत्यनारायण म्हणाले की, मुक्तीच्या संघर्षाने प्रेरित असलेला हा चित्रपट असून ८०० विरांची ही गोष्ट आहे. या चित्रपटातून हैद्राबादच्या मुक्तीविषयीचे चित्रण करण्यात आले आहे. जर आपण रझाकारांवर आधारित चित्रपट पहात नसू, तर आपल्या जीवनाला कोणताच अर्थ नाही !