रागाच्या भरात घर सोडून गेलेल्या अल्पवयीन मुलीवर ५ अल्पवयीन मुलांकडून बलात्कार !

भंडारा – आई-वडील नृत्याची शिकवणी लावण्यास नकार देत असल्याने एका अल्पवयीन मुलीने रागाने घर सोडले आणि ती बसस्थानकात आली. ५ अल्पवयीन मुलांनी तिला एकटीला पाहून त्यांच्या मित्राच्या खोलीवर नेऊन तिच्यावर २ दिवस बलात्कार केला. त्यानंतर त्यांनी तिला बसस्थानकात आणून सोडले. काही वेळाने जेवण देण्याच्या निमित्ताने २ मुलांनी तिला पुन्हा मित्राच्या खोलीवर नेले आणि तिच्यावर बलात्कार केला. त्यानंतर त्यांनी मुलीला बसस्थानकात सोडले आणि ते फरार झाले. ही घटना २७ जून या दिवशी घडली. १८ दिवसांनी या प्रकरणी तक्रार प्रविष्ट करण्यात आली असून पोलिसांनी ५ आरोपींना अटक केली आहे. मुलीनेही झालेल्या प्रकरणाची वाच्यता उशिरा केली. या प्रकरणी गुन्हा नोंदवण्यात आला आहे.