उपमुख्यमंत्री अजित पवार यांचा मंत्रालयातील ६०२ क्रमांकाच्या कक्षात बसण्यास नकार !

पवार यांच्या नकारामागे यापूर्वी हा कक्ष वापरलेल्या नेत्यांच्या संदर्भात घडलेल्या नकारात्मक घटना कारणीभूत !

मुंबई – उपमुख्यमंत्री अजित पवार यांनी येथील मंत्रालयातील ६ व्या मजल्यावरील ६०२ कक्षात बसण्यास नकार दिला आहे. त्यांनी मुख्य सचिवांसाठी असलेल्या ५०२ या कक्षात कार्यालय चालू करण्याचे ठरवले आहे.

मंत्रालयातील दालन नंबर ६०२ अखेर अजित पवार यांच्याच मंत्र्याकडे#AjitPawar #MantralayaCabin602 pic.twitter.com/pCEzsecqFx

— Mumbai Tak (@mumbaitak) July 12, 2023

वर्ष २०१४ मध्ये भाजपचे नेते एकनाथ खडसे यांनी कृषी, महसूल आणि अल्पसंख्यांक व्यवहार खात्याचा पदभार स्वीकारला होता. त्यानंतर त्यांनी ६०२ या कक्षात त्यांचे कार्यालय चालू केलेे; पण २ वर्षांतच त्यांना भूखंड घोटाळ्याप्रकरणी मंत्रीपदाचा त्यागपत्र द्यावे लागले. भाजपचे नेते पांडुरंग फुंडकर हे कृषीमंत्री असतांना त्यांना हा कक्ष देण्यात आला होता; पण मे २०१८ मध्ये हृदयविकाराच्या धक्क्यामुळे त्यांचे निधन झाले. त्याचवर्षी अनिल बोंडे यांनी कृषी मंत्रालयाचा पदभार स्वीकारल्यावर त्यांना हाच कक्ष देण्यात आला होता; पण त्यानंतर झालेल्या विधानसभेच्या निवडणुकीत त्यांचा पराभव झाला. या घटनांमुळे अजित पवार यांनी ६०२ या कक्षामध्ये बसण्यास नकार दिला आहे.