सोनवडी (जिल्‍हा सातारा) येथील विवाहित महिलेवर धर्मांधांकडून सामूहिक बलात्‍कार !

सातारा, ९ जुलै (वार्ता.) – फलटण तालुक्‍यातील सोनवडी येथील कोळसा भट्टीवर काम करणार्‍या एका आदिवासी विवाहित महिलेवर सामूहिक बलात्‍कार झाल्‍याची घटना उघड झाली आहे. १९ जून या दिवशी पीडित महिलेच्‍या मुलांना आणि पतीला एका खोलीत डांबून ठेवून त्‍या महिलेवर बलात्‍कार करण्‍यात आला. कोळसा भट्टीमालक हसन रफिक शेख आणि त्‍याच्‍या ४ सहकार्‍यांनी हे दुष्‍कृत्‍य केले आहे.

या प्रकरणी ७ जुलै या दिवशी फलटण ग्रामीण पोलीस ठाण्‍यात तक्रार प्रविष्‍ट करण्‍यात आली आहे. पीडित २६ वर्षीय महिला कातकरी समाजातील असून कुटुंबासह फलटण-शिंगणापूर रस्‍त्‍यावरील सोनवडी बुद्रुक गावच्‍या सीमेतील एका कोळसा भट्टीवर कामाला होती. हसन शेख आणि ४ जणांनी १९ जूनच्‍या रात्री पीडितेशी शारीरिक संबंध ठेवले, तसेच याविषयी कुणाला काही सांगितल्‍यास तुला, पतीला आणि मुलांना जिवे मारून टाकू, अशी धमकी दिली.