बेल्जियमध्ये ख्रिस्तांची घटती लोकसंख्या आणि धर्माप्रतीची श्रद्धा यांमुळे चर्चचे उपाहारगृहांमध्ये होत आहे रूपांतर !

ब्रुसेल्स (बेल्जियम) – युरोपमधील बेल्जियम देशातील अनेक चर्च आता उपाहारगृह, नाईट क्लब, कॅफे, व्यापारी संकुल आदींमध्ये रूपांतरित होत आहेत. येथील फ्रांसिस्कन चर्च आता एक पंचतारांकित उपाहारगृह झाले आहे. ही स्थिती ख्रिस्ती धर्मियांच्या संख्या ५५ टक्क्यांपर्यंत घसरल्याने निर्माण झाली आहे. त्यातीलही केवळ १० टक्के ख्रिस्ती चर्चमध्ये जातात. जेव्हा देशात ८३ टक्के ख्रिस्ती होते, तेव्हा देशातील ३०० भागांमध्ये अनेक चर्च होते.

कभी क्रिश्चियनिटी का बोलबाला, अब ईसायत को मानने वाले 55% ही बचे: होटल, नाइट क्लब और कैफे में बदल रहे बेल्जियम के चर्च#Belgiumhttps://t.co/PRWlDabzPn

— ऑपइंडिया (@OpIndia_in) July 1, 2023

ख्रिस्त्यांमधील धर्माप्रती असणारी श्रद्धा अल्प होत असल्याने त्यांनी चर्चमध्ये जाणे बंद केले आहे, तसेच मोठमोठ्या चर्चची देखभाल करणेही कठीण होऊ लागले आहे. त्यामुळे त्यांचे रूपांतर उपाहारगृह, व्यापारी संकुल आदींमध्ये केला जात आहे. तथापि काही जण याला विरोध करत आहेत.