सूक्ष्मातून पंढरपूरला गेल्यावर मंदिरातील विठ्ठलाची मूर्ती सजीव झाल्याचे जाणवणे, मूर्तीतून पांढरा प्रकाश संपूर्ण परिसरात पसरणे, त्याचे पिवळ्या रंगात रूपांतर होऊन नंतर निळ्या रंगाच्या कणात विघटन होणे आणि त्या वेळी देहभान विसरून जाणे

‘एकदा आषाढ शुक्ल एकादशीच्या दिवशी सकाळी उठल्याबरोबरच आपोआप मी सूक्ष्मातून पंढरपूरला गेलो. तत्पूर्वी पंढरपूरच्या मंदिरातील विठ्ठलाची मूर्ती सजीव झाल्याचे मला अंतरंगात जाणवले. मूर्तीला पहाताच खरोखरच ती सगुणात येऊन हालचाल आणि मंद स्मित करत असल्याचा दिसत होते. मूर्तीतून पांढरा प्रकाश संपूर्ण परिसरात पसरला होता. त्यातून पांढरे कण उधळले जात होते. मी सूक्ष्मातून हे अनुभवत असतांना देहभान विसरून गेलो होतो. नंतर हा पांढर्‍या प्रकाशाचे पिवळ्या रंगात रूपांतर होऊन तो अधिक वेगाने संपूर्ण परिसर आणि वातावरण यांत पसरला. काही वेळाने पिवळा रंग पालटून त्याचे निळ्या रंगाच्या कणात विघटन झाले. मग तो प्रकाश अंतर्धान पावला. – एक साधक