‘टायटॅनिक’चे अवशेष पहाण्यासाठी गेलेल्या पाणबुडीतील सर्वांचा मृत्यू

४ दिवसांपासून बेपत्ता होती पाणबुडी !

नवी देहली – अटलांटिक महासागरात ११२ वर्षांपूर्वी बुडालेल्या महाकाय टायटॅनिक जहाचे अवशेष पहाण्यासाठी समुद्राच्या तळाशी गेलेल्या पाणबुडीतील सर्व ५ जणांचा मृत्यू झाला आहे. या पाणबुडीत ९६ घंटे पुरेल इतका प्राणवायू होता. ४ दिवसांपासून ती बेपत्ता होती. तिचा शोध अद्यापही लागलेला नाही. ४ दिवसानंतर या पाणबुडीतील लोकांचा दुर्दैवी मृत्यू झाल्याची माहिती ‘ओशियनगेट’ या आस्थापनाने दिली आहे. या आस्थापनाकडून ही पाणबुडी चालवण्यात येत होती.

टाइटैनिक का मलबा देखने गए 5 अरबपतियों की मौत, क्‍यों नाकाम रही बचाने की कोशिश#TitanicSubmarine #America #Worldhttps://t.co/eS6dpRQtuj

— ABP News (@ABPNews) June 23, 2023

‘रॉयटर्स’ या वृत्तसंस्थेने दिलेल्या माहितीनुसार शोधमोहिमेवर गेलेल्या पथकाला टायटॅनिकजवळ बेपत्ता पाणबुडीचे अवशेष सापडले आहेत. या पाणबुडीत चालक, ब्रिटीश नागरिक, धनाढ्य पाकिस्तानी कुटुंबातील २ सदस्य आणि अन्य एका प्रवाशाचा समावेश होता. हे सर्व जण अब्जाधीश होते. टायटॅनिकच्या अवशेषांपर्यंत पोचणे, तिथे फिरणे आणि परत येणे, या सगळ्या गोष्टींसाठी ८ घंटे लागतात.