विद्यार्थ्यांचे एस्.एस्.सी. बोर्डातून सी.बी.एस्.ई. बोर्डात बळजोरीने स्थलांतर !

नवी मुंबई – येथील सीबीडी बेलापूरच्या ज्ञानपुष्पा शाळेने विद्यार्थी किंवा पालक यांना कोणतीही पूर्वसूचना न देता बळजोरीने एस्.एस्.सी. बोर्डातून (राज्य माध्यमिक शिक्षण मंडळातून) सी.बी.एस्.ई. बोर्डात (केंद्रीय माध्यमिक शिक्षण मंडळात) विद्यार्थ्यांना स्थलांतरीत केले. त्यामुळे पालकांनी शाळेच्या प्रशासनाच्या विरोधात आंदोलन केले. या आंदोलनाला मनसे विद्यार्थी सेनेने पाठिंबा दिला आहे. शाळेतील मराठी माध्यम बंद करून शाळा पूर्णतः सीबीएस्ई बोर्डाची करण्याचा शाळा प्रशासनाचा डाव आहे. मराठी माध्यमात प्रवेश घेतलेल्या विद्यार्थ्यांच्या पालकांनी मराठी माध्यम चालू ठेवण्यासाठी शाळेबाहेर आंदोलन केले.

सीबीडी – बेलापूर येथील ज्ञानपुष्पा विद्या निकेतन या शाळेने पालकांना विश्वासात न घेता विद्यार्थ्यांचे SSC बोर्ड मधून थेट CBSE बोर्डमध्ये स्थलांतर केले. त्यामुळे पालकांनी आज सकाळी ७ वाजता शाळेच्या बाहेर आंदोलन केले. या आंदोलनात महाराष्ट्र नवनिर्माण विद्यार्थी सेनेच्या… pic.twitter.com/9w65mSpVG9

— Gajanan Kale (@MeGajananKale) June 21, 2023

‘ज्ञानपुष्प विद्यालय प्रशासनाकडून मराठी माध्यमात प्रवेश न देता सीबीएस्ई माध्यमात प्रवेश घ्या’, असा तगादाही विद्यार्थ्यांकडे लावला जात आहे. शाळेच्या प्रशासनाने त्यांचा निर्णय मागे न घेतल्यास मनसे विद्यार्थी सेनेकडून अजून तीव्र आंदोलन करण्यात येईल, अशी चेतावणी मनसेचे उपशहर अध्यक्ष योगेश शेटे यांनी दिली.