योग हा जागतिक आत्मा बनला ! – पंतप्रधान मोदी

जगभरात ९ वा आंतरराष्ट्रीय योग दिवस साजरा !

नवी देहली – भारताच्या पुढाकाराने २१ जून २०१५ पासून चालू झालेला आंतरराष्ट्रीय योग दिवस यंदा नवव्यांदा साजरा केला गेला. या वेळी पंतप्रधान नरेंद्र मोदी हे अमेरिकेच्या दौर्‍यावर असल्याने त्यांनी ट्विटरद्वारे एक व्हिडिओ संदेश प्रसारित केला. ते  म्हणाले, ‘‘योग हा जागतिक आत्मा बनला आहे. प्रत्येक वर्षी योग दिनानिमित्त मी तुम्हा सर्वांमध्ये कोणत्या ना कोणत्या कार्यक्रमात उपस्थित असतो. विविध दायित्वांमुळे मी सध्या अमेरिकेत आहे. आज भारतीय वेळेनुसार सायंकाळी ५.३० वाजता योग दिनानिमित्त संयुक्त राष्ट्रांच्या मुख्यालयात एक मोठा कार्यक्रम होत आहे. मी त्यात सहभागी होईन.’

Sharing my message on International Day of Yoga. https://t.co/4tGLQ7Jolo

— Narendra Modi (@narendramodi) June 21, 2023

१. या वर्षी आंतरराष्ट्रीय योग दिनाचा विषय हा ‘वसुधैव कुटुम्बकम्साठी योग’, असा आहे.

२. संरक्षणमंत्री राजनाथ सिंह यांनी कोच्चि (केरळ) येथे ‘आय.एन्.एस्. विक्रांत’ या लढाऊ जहाजावर भारतीय नौदलाच्या सैनिकांसह योग केला.

३. लडाखमधील पँगॉन्ग त्सो तलावाच्या काठावर भारतीय सैन्याच्या सैनिकांनी योगासने केली.

४. २० जून या दिवशी संयुक्त राष्ट्रांचे महासचिव अँटोनियो गुटेरेस म्हणाले, ‘‘योग केवळ शरीर आणि मन जोडत नाही, तर जगभरातील लाखो लोकांना जोडतो. योग हा चिंता न्यून करून मानसिक आरोग्य सुधारण्यास साहाय्य करतो.’’

In a divided world, yoga unites millions of people across the globe, for whom it is a source of strength, harmony, and peace.

On this #YogaDay, let us embrace this spirit of unity, and resolve to build a better, more harmonious world for people & planet. pic.twitter.com/VyPdpb2mKB

— António Guterres (@antonioguterres) June 21, 2023

५. २७ सप्टेंबर २०१४ या दिवशी प्रथमच पंतप्रधान मोदी यांनी संयुक्त राष्ट्र संघात प्रत्येक वर्षी योग दिवस आंतरराष्ट्रीय स्तरावर साजरा करण्याचा प्रस्ताव ठेवला होता. तो अवघ्या तीन मासांत मान्य करण्यात आला होता.