पंतप्रधान मोदी यांचा मी चाहता झालो आहे !

पंतप्रधान नरेंद्र मोदी यांची भेट घेतल्यावर प्रसिद्ध उद्योगपती इलॉन मस्क यांचे विधान !

वॉशिंग्टन (अमेरिका) – टि्वटरचे मुख्य कार्यकारी अधिकारी, तसेच ‘टेस्ला’ आस्थापनाचे मालक इलॉन मस्क यांनी अमेरिकेच्या दौर्‍यावर असलेले भारताचे पंतप्रधान नरेंद्र मोदी यांची भेट घेतली. ‘आम्हा दोघांची भेट झाल्यानंतर मी फार आनंदी आहे. पंतप्रधान नरेंद्र मोदी यांच्याशी मी जी चर्चा केली, ती फारच सकारात्मक स्तरावर झाली. पुढच्या वर्षी मी भारतात येण्याचाही विचार करत आहे. मोदी यांच्या भेटीनंतर मी त्यांचा चाहता  झालो आहे’, असे उद्गार इलॉन मस्क यांनी काढले. ‘टेस्ला मोटर्स’ हे आस्थापन भारतात कारखाना चालू करण्याच्या दृष्टीने जागेच्या शोधात आहे. त्या पार्श्‍वभूमीवर इलॉन मस्क आणि पंतप्रधान नरेंद्र मोदी यांच्यात झालेली ही भेट महत्त्वाची मानली जात आहे.

#WATCH | Prime Minister Narendra Modi meets Tesla and SpaceX CEO Elon Musk, in New York. pic.twitter.com/SjN1mmmvfd

— ANI (@ANI) June 20, 2023

मस्क यांनी म्हटले की, ‘टेस्ला’ लवकरच भारतात येईल. मी पंतप्रधान नरेंद्र मोदी यांचे आभार मानतो. भविष्यात आम्ही मोठी घोषणा करू. भारतात गुंतवणूक करणे, हे निश्‍चित महत्त्वाचे आहे.

#WATCH | Tesla and SpaceX CEO Elon Musk, says “I’m incredibly excited about the future of India. India has more promise than any large country in the world. He (PM Modi) really cares about India as he’s pushing us to make significant investments in India. I am a fan of Modi. It… pic.twitter.com/lfRNoUQy3R

— ANI (@ANI) June 20, 2023

मोदी यांची मान्यवरांनी घेतली भेट !

पंतप्रधान नरेंद्र मोदी यांची येथे अनुमाने २४ मान्यवरांनी भेट घेतली. यामध्ये नोबेल पारितोषिक विजेते, अर्थशास्त्रज्ञ, कलाकार, शास्त्रज्ञ, विद्वान आणि व्यापारी यांचा समावेश आहे. लेखक आणि शैक्षणिक प्राध्यापक रॉबर्ट थर्मन, निबंधकार आणि सांख्यिकीशास्त्रज्ञ प्राध्यापक नसीम निकोलस तालेब, खगोलभौतिकशास्त्रज्ञ आणि लेखक नील डीग्रास टायसन, नोबेल पारितोषिक विजेते अर्थशास्त्रज्ञ पॉल रोमर, तसेच  गुंतवणूकदार रे डालिओ यांचा यात समावेश आहे.