बाभुळगाव (जिल्हा अकोला) येथे सामाजिक माध्यमावर छत्रपती शिवरायांविषयी आक्षेपार्ह स्टेटस ठेवल्याप्रकरणी धर्मांधाला अटक !

(‘स्टेटस’ म्हणजे इतरांना पहाता येण्यासाठी सामाजिक माध्यमांच्या स्वतःच्या खात्यावर ठेवलेले चित्र किंवा लिखाण)

अकोला – शहरापासून जवळच असलेल्या बाभुळगाव येथे छत्रपती शिवाजी महाराज यांच्याविषयी आक्षेपार्ह व्हॉट्सअ‍ॅप ‘स्टेटस’ ठेवणारा धर्मांध आशिम खान पठाण (वय २५ वर्षे) याला पोलिसांनी १६ जूनच्या रात्री अटक केली.

सौजन्य: ABP MAJHA

याविषयी शिवसेनेचे पदाधिकारी आणि गावकरी यांनी आक्षेप घेत तरुणाला छत्रपती शिवाजी महाराजांच्या पुतळ्याजवळ जाऊन क्षमा मागण्यास सांगितले. गावातील तरुण एकत्र आल्यामुळे भीतीपोटी तरुण लपून बसला होता; परंतु तो क्षमा मागण्यास सिद्ध नव्हता. (उद्दाम धर्मांध ! पोलिसांनी अशा धर्मांधांवर आतापर्यंत कठोर कारवाई न केल्यामुळे ते राष्ट्रपुरुषांची सर्रासपणे विटंबना करत आहेत ! – संपादक) त्यामुळे परिस्थिती हाताबाहेर जाऊ शकते, हे लक्षात घेऊन शिवसेनेच्या पदाधिकार्‍यांनी ही माहिती पोलिसांना दिली. पोलिसांनी तातडीने गावात बंदोबस्त ठेवला.