हिंदु धर्म स्वीकारणारे चित्रपट दिग्दर्शक अली अकबर यांनी दिले भाजपचे त्यागपत्र !

थिरूवनंतपूरम् (केरळ) – केरळचे प्रसिद्ध चित्रपट दिग्दर्शक आणि भाजपच्या केरळ प्रदेश कार्यकारिणीचे सदस्य अली अकबर उपाख्य रामासिम्हन् अबुबकार यांनी १६ जून या दिवशी पक्षाचे त्यागपत्र दिले. गेल्या काही आठवड्यांपासून भाजपला सोडचिठ्ठी देणारे चित्रपटदृष्टीतील ते तिसरी व्यक्ती आहेत. गेल्या वर्षी त्यांनी इस्लामचा त्याग करून हिंदु धर्म स्वीकारला होता. त्यागपत्र देतांना त्यांनी म्हटले, ‘‘मी कोणत्याही राजकारणाचा गुलाम नाही. आता सर्वांपासून मुक्त झालो असून केवळ धर्मासमवेत उभा आहे !’’

#PoliticalPulse | Free to stand with dharma: Film director, BJP’s Muslim face in Kerala quits partyhttps://t.co/P09IRiAAJr

— The Indian Express (@IndianExpress) June 16, 2023

१. अकबर यांनी वर्ष १९२१ च्या मलाबार बंडावर आधारीत ‘हिंदू साईड ऑफ द रिबेलियन’ या चित्रपटाची घोषणा केली होती.

२. गेल्याच आठवड्यात प्रतिष्ठित मल्ल्याळम् चित्रपट दिग्दर्शक राजासेनन् यांनीही भाजपच्या प्रदेश कार्यकारिणीचे त्यागपत्र दिले होते. ‘भाजपमध्ये एक कलाकार आणि राजकारणी म्हणून मला दुर्लक्षित केले गेले. त्यामुळे मी मार्क्सवादी कम्युनिस्ट पक्षात जाण्याचा निर्णय घेतला आहे. तिथे कलाकारांना मोकळीक देण्यात येते !’, अशी प्रतिक्रिया राजासेनन् यांनी भाजपमधून बाहेर पडल्यानंतर दिली.

३. चित्रपट अभिनेते भीमन रघू यांनीही भाजपमधून बाहेर पडण्याचे संकेत दिले आहेत.