हिंदु मुलींची हत्या करणार्‍या लव्ह-जिहाद्यांना तात्काळ फासावर चढवा ! – संतोष देसाई, हिंदु जनजागृती समिती

सांगली – हिंदु मुलींना ‘लव्ह जिहाद’च्या जाळ्यात ओढून होत असलेल्या भीषण हत्यांची मालिका संपलेली नसल्याचे दिल्लीतील ‘साक्षी’ आणि झारखंडमधील ‘अनुराधा’ प्रकरणानंतर पुन्हा एकदा देशासमोर आले आहे. या प्रकरणात दोषी लव्ह-जिहाद्यांना तात्काळ फासावर चढवा, तसेच देशभरात ‘लव्ह जिहादविरोधी कायदा’ करावा, अशी मागणी हिंदु जनजागृती समितीचे श्री. संतोष देसाई यांनी केली. ते ७ जून या दिवशी मारुति चौक येथे झालेल्या ‘हिंदु राष्ट्र-जागृती आंदोलना’च्या माध्यमातून सरकारकडे केली.

या प्रसंगी शिवसेनेचे मिरज उपतालुकाप्रमुख (जिल्हा सांगली) श्री. विनायक एडके, हिंदु जनजागृती समितीच्या कु. प्रतिभा तावरे, कु. उज्ज्वला खेराडकर यांनी मनोगत व्यक्त केले. या प्रसंगी कुपवाड येथील शिवप्रेमी श्री. दीपक मोहिते यांसह विविध संघटनांचे पदाधिकारी, कार्यकर्ते उपस्थित होते.

गडहिंग्लज (जिल्हा कोल्हापूर) येथे निवेदन

याच मागणीचे निवेदन गडहिंग्लज (जिल्हा कोल्हापूर) येथेही देण्यात आले. हे निवेदन नायब तहसीलदार विष्णु बुट्टे यांनी स्वीकारले. या प्रसंगी भाजप महिला मोर्चाच्या अध्यक्षा अर्चना रिंगणे, श्रीराम सेना हिंदुस्थानचे श्री. अमोल कोरवी, भाजप सरचिटणीस श्री. संदीप नाथ बुवा, श्री शिवप्रतिष्ठान हिंदुस्थानचे श्री. सागर कुराडे, श्री. मनोज पवार, ‘जिजा शस्त्रकला शिवकालीन पथका’चे दीपक भादवनकर, हिंदुत्वनिष्ठ नाना नेसरकर, सर्जेराव चौगुले, पांडुरंग चौगुले, हिंदु जनजागृती समितीप्रणित रणरागिणी शाखेच्या सौ. विजया वेसणेकर, श्री. आदित्य शास्त्री यांसह अन्य हिंदुत्वनिष्ठ संघटना, पक्ष यांचे पदाधिकारी, कार्यकर्ते उपस्थित होते.