धर्मांधाच्या जाचाला कंटाळून राष्ट्रीय बेसबॉल महिला खेळाडूची आत्महत्या !

जबलपूर (मध्यप्रदेश) – येथे राष्ट्रीय बेसबॉल खेळाडू संजना बरकडे हिला अब्दुल मंसुरी याच्याकडून सातत्याने धर्मांतरासाठी धमक्या येऊ लागल्याने तिने आत्महत्या केल्याची घटना समोर आली आहे. ५ जून २०२३ या दिवशी तिने गळफास लावून आत्महत्या केली. या प्रकरणी पोलिसांनी अब्दुल मंसुरी याला अटक केली आहे.

बेसबॉल प्लेयर संजना बरकड़े खुदकुशी केस में लव जिहाद का एंगल, Video वायरल करने की धमकी देता था राजन उर्फ अब्दुल #baseballplayer #sanjanabarkade #MadhyaPradesh #Jabalpur https://t.co/EMQvFCNgSC

— Dainik Jagran (@JagranNews) June 9, 2023

१. संजनाच्या वडिलांनी सांगितले की, अब्दुल याने हिंदु असल्याचे सांगून संजनाशी मैत्री केली होती. वर्षभर त्यांच्यामध्ये मैत्री होती. संजनाला ‘अब्दुल मुसलमान आहे’, हे समजल्यावर तिने त्याच्याशी संबंध तोडले. यामुळे तो तिला धमकावू लागला होता.

२. संजनाची आईने सांगितले की, अब्दुल मंसुरी उपाख्य राजन खान संजनावर सातत्याने इस्लाम स्वीकारण्यासाठी दबाव टाकत होता. एकदा त्याचा दूरभाषा आला होता. तेव्हा त्याने मला सांगितले, ‘तुमच्या मुलीला इस्लाम स्वीकारण्यास सांगा. मला तिच्याशी लग्न करायचे आहे. जर तुम्ही सर्वांनी इस्लाम स्वीकारणार नाही, तर आम्हाला तुमचे घर कुठे आहे ते ठाऊक आहे. आम्ही तुम्हाला ठार करू. जर इस्लाम स्वीकाराल, तर काहीही करणार नाही.’

३. अब्दुल याने संजनाची काही कागदपत्रे आणि तिने जिंकलेली पदके चोरली होती. जेव्हा संजनाला याची माहिती मिळाली, तेव्हा तिने त्याच्याकडे परत मागितले. यावर त्याने इस्लाम स्वीकारण्यास सांगितले.