ठाणे जिल्‍ह्यात ४७ शाळा अनधिकृत !
इंग्रजी माध्‍यमांच्‍या ४२ शाळांचा समावेश
ठाणे, १ जून (वार्ता.) – ठाणे जिल्‍ह्यातील ग्रामीण भागातील अनधिकृत शाळांवर कारवाई करण्‍यात आली. आता शहरातील ४७ शाळा अनधिकृत असल्‍याची माहिती महानगरपालिकेच्‍या शिक्षण विभागाने दिली आहे. यामध्‍ये सर्वाधिक इंग्रजी माध्‍यमाच्‍या ४२ शाळांचा, तर हिंदी माध्‍यमाच्‍या ३ आणि मराठी माध्‍यमाच्‍या २ शाळांचा समावेश आहे.
अशा अनधिकृत शाळांमधे पालकांनी त्‍यांच्‍या पाल्‍यांचा प्रवेश घेऊ नये, असे आवाहन ठाणे महानगरपालिकेच्‍या शिक्षण विभागाने केले आहे.