इस्रोच्या दिशादर्शक उपग्रहाचे यशस्वी प्रक्षेपण

श्रीहरिकोटा (आंध्रप्रदेश) – भारताने २९ मे या दिवशी ‘एन्व्हीएस-०१’ हा दिशादर्शक उपग्रह प्रक्षेपित केला. येथील कॅप्टन सतीश धवन प्रक्षेपण केंद्रातून इस्रोने जी.एस्.एल्.व्ही. (जिओसिंक्रोनस लाँच व्हेईकल) एफ् १२ या प्रक्षेपकाद्वारे हा उपग्रह अंतराळ प्रक्षेपित केला. एन्व्हीएस्-०१ हा उपग्रह आय.आर्.एन्.एस्.एस्.-१जी या उपग्रहाची जागा घेणार आहे. भारतीय उपखंडात संरक्षण क्षेत्र आणि नागरी वापराकरता दिशादर्शक म्हणून या उपग्रहाचा वापर होणार आहे. स्वदेशी बनावटीची ही दिशादर्शक प्रणाली अमेरिकेच्या जी.पी.एस्.प्रमाणे काम करणारी आहे. एन्व्हीएस-०१ प्रमाणे याआधीच ६ उपग्रह अवकाशात प्रक्षेपित करण्यात आले आहेत.

ISRO declares GSLV-F12 mission accomplished

-First of India’s second-gen NavIC satellites deployed

-Features L1, L5, and S bands, including an indigenous atomic clock

-GSLV-F12 marks India’s 15th GSLV flight and 9th with an indigenous cryogenic stagehttps://t.co/KFIpQRWXEf

— Swarajya (@SwarajyaMag) May 29, 2023

उपग्रहाच्या प्रक्षेपणानंतर इस्रोचे अध्यक्ष एस्. सोमनाथ यांनी याविषयी सर्वांचे अभिनंदन केले. भारतीय अंतराळवीर अवकाशात पाठवणारी महत्त्वाकांक्षी ‘गगनयान’ चाचणी मोहीमही लवकरच पार पाडणार आहे, असे सोमनाथ यांनी या वेळी सांगितले.