(म्हणे) ‘नगर येथे काही शक्ती धर्माच्या नावाने दंगली करत आहेत !’ – शरद पवार

शरद पवार यांच्याकडून नेहमीचीच दिशाभूल !

नगर (जिल्हा पुणे) – येथे काही शक्ती धर्माच्या नावाने अंतर वाढवून दंगली घडवत आहेत. शेवगावला २-३ दिवस बाजारपेठ बंद होती. धर्माच्या नावाने अंतर वाढवले जात आहे. नगर जिल्हा ‘पुरोगामी जिल्हा’ म्हणून ओळखला जातो. काही शक्ती धर्माधर्मांत अंतर वाढवून संघर्ष वाढवत आहेत. त्या शक्तीशी संघर्ष करण्याचे आव्हान माझ्यासह तुमच्यासह सर्वांवर आहे, असे द्वेष वाढवणारे वक्तव्य राष्ट्रवादी काँग्रेसचे अध्यक्ष शरद पवार २१ मे या दिवशी नगरमध्ये बोलत होते. (दंगल धर्मांधांनी केली आणि हिंदूंना त्याचा त्रास झाला; मात्र अशी वक्तव्ये करून पवार ‘दंगलीला हिंदूंच उत्तरदायी आहेत’, असे भासवण्याचा प्रयत्न करतात ! – संपादक)

कर्नाटक येथेही त्या लोकांनी सत्तेचा वापर करून द्वेष पसरवला. कर्नाटकात सरकार होऊ शकते, तर देशातील कोणत्याही राज्यात होईल. यासाठी प्रयत्न करणे आपले दायित्व आहे, असेही ते पुढे म्हणाले.