ती. डॉ. (सौ.) कुंदा जयंत आठवले यांचीही वंदनीय उपस्थिती !

सच्चिदानंद परब्रह्म डॉ. आठवले यांच्या ब्रह्मोत्सव सोहळ्याला वंदनीय डॉ. (सौ.) कुंदा जयंत आठवले याही उपस्थित होत्या. ‘प.पू. भक्तराज महाराज यांच्या अनुग्रहित आणि प.पू. रामानंद महाराज यांच्या कृपांकित असणार्‍या डॉ. (सौ.) कुंदा आठवले यांनी प.पू. भक्तराज महाराज यांची आणि त्यांच्या नंतर त्यांचे उत्तराधिकारी प.पू. रामानंद महाराज यांचीही सुमारे एक तप सेवा केली आहे. त्यांनी सच्चिदानंद परब्रह्म डॉ. आठवले यांना संमोहन क्षेत्रात संशोधन करणे, विविध संतांकडे जाऊन अध्यात्म शिकणे येथपासून प.पू. भक्तराज महाराज यांची पूर्णवेळ सेवा करणे यांसारख्या विविध क्षेत्रांत साथ दिलेली आहे. त्यांच्या या पाठबळामुळेच संस्थेच्या कार्याचा पाया रचला गेला.’ असा परिचय करून देऊन त्यांच्या प्रती सर्व साधकांच्या वतीने कृतज्ञता व्यक्त करण्यात आली.