सोलापूर शहरात २४० घंटागाड्यांची आवश्यकता; मात्र केवळ १९० गाड्याच उपलब्ध !

सोलापूर – सध्या शहरातील कचरा संकलन करणार्या घंटागाड्यांचे नियोजन विस्कळीत झाले आहे. जुळे सोलापूरसह हद्दवाढ आणि शहरातील अनेक भागांत काही ठिकाणी २, तर काही ठिकाणी ४ दिवसांतून एकदा घंटागाडी येते. शहरातील घनकचरा व्यवस्थापनासाठी २४० घंटागाड्यांची आवश्यकता आहे; मात्र केवळ १९० गाड्या उपलब्ध आहेत.

गाड्यांचा तुटवडा, गाड्यांची नादुरुस्ती, नियोजनातील त्रुटी यांमुळे घंटागाड्या नियमित आणि वेळेत पोचत नाहीत. त्यामुळे हद्दवाढ भागात नागरिकांना उघड्यावर कचरा टाकावा लागत आहे. सोसायट्यांमध्ये कचर्याच्या डब्यांत कचरा साचल्याने त्याची दुर्गंधी सोसायटीमध्ये पसरत आहे.