काश्मीरच्या पूंछपासून ३५ किमीवर पाकव्याप्त काश्मीरमध्ये आतंकवादी तळ असल्याचे उघड !

पाकव्याप्त काश्मीरमधील ९५ टक्के जनता आतंकवादाच्या विरोधात !

पाकव्याप्त काश्मीरमधील अनुमाने ४० लाख लोकसंख्येपैकी ९५ टक्के जनता भारतात आतंकवाद पसरवण्याच्या पाकच्या कारस्थानांच्या विरोधात आहेत. ‘भारतासमवेत युद्ध करून आम्हाला काही लाभ होणार नाही’, असे तेथील लोकांचे मत आहे; परंतु पाकचे सरकार आणि सैन्य पाकव्याप्त काश्मीरच्या जनतेचा हा आवाज जगासमोर येऊ देत नाही. ‘ग्लोबल वॉच’ या संघटनेच्या मते गेल्या वर्षी येथे १ सहस्र २०० लोकांना अवैधरित्या अटक करण्यात आली होती.
पाकव्याप्त काश्मीरमध्ये हिजबुल मुजाहिदीन, लष्कर-ए-तोयबा आणि जैश-ए-महंमद या आतंकवादी संघटनांचे तळ आहेत. या तळांमधून प्रशिक्षण घेणार्‍या आतंकवाद्यांसाठी ‘आय.एस्.आय.’ ही पाकची गुप्तचर संस्था ‘लाँचिंग पॅड’ बनवून पाकिस्तानी सैन्याच्या साहाय्याने त्यांना भारत-पाक नियंत्रणरेषा ओलांडण्यासाठी साहाय्य करते.

संपादकीय भूमिका

• यातून पाकिस्तानी सैन्याच्या देखरेखीखालीच जिहादी आतंकवाद निपजत असल्याचे पुन्हा एकदा उघड झाले आहे ! आणखी किती पुरावे समोर आल्यावर भारत सरकार पाकवर कारवाई करणार आहे ?