गुरुदेवा, ‘कधी विसर न व्‍हावा’, हीच तुम्‍हा प्रार्थना ।
काळ चालला पुढे ।
गतायुष्‍याचा विचार करिता,
कोणी नसे रे तुझे ॥ १ ॥
पूर्वपुण्‍याई फळा आली।
झालो आश्रमवासी॥ २॥
नाही राहिली कशाचीही आस।
झालो परात्‍पर गुरुदेवांचा (टीप) दास॥ ३ ॥
माता, पिता, बंधू, भगिनी, पुत्र, पुत्री, सगेसोयरे।
सर्व मायेचा बाजार ॥ ४ ॥
आता कुणी नको देवा ।
तुझ्‍या चरणी मिळू दे विसावा ॥ ५ ॥
दुःखातही सुख गवसले ।
रामनाम धन वेचले ॥ ६ ॥
देवा, दुःख सहन होत नाही ।
बोलव रे मला आता तुझ्‍याकडे ॥ ७ ॥
परात्‍पर गुरुदेवा, एक मागणे मागतो ।
तुमचा कधी विसर न व्‍हावा, हीच तुम्‍हा प्रार्थना ॥ ८ ॥
टीप – परात्‍पर गुरु डॉ. आठवले यांचा
– श्री. सुधाकर जोशी (वय ९२ वर्षे), सनातन आश्रम, देवद, पनवेल. (२४.६.२०२१)
| या कवितेत प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |