सरकारी शाळेतील शिक्षक महंमद अली याच्याकडून १२ हिंदु मुलींचे लैंगिक शोषण !

शाहजहांपूर (उत्तरप्रदेश) – जिल्ह्यातील तिलहर भागात असलेल्या रायखुर्द येथील एका सरकारी शाळेत घडलेल्या धक्कादायक प्रकरणात महंमद अली नावाच्या संगणक शिक्षकाने १२ हिंदु मुलींचे लैंगिक शोषण केल्याचे समोर आले आहे. पीडितांमधील काही जणी दलित कुटुंबातील आहेत. शाळेतील शिक्षिका शाजिया अली हिच्यावर महंमदची कृत्ये लपवल्याचा आरोप आहे. पोलिसांनी प्राचार्य अनिल कुमार यांच्यासह तिघांच्या विरोधात ‘पॉक्सो’ कायदा अन् अन्य कलमांखाली गुन्हा नोंदवला आहे. या प्रकरणी प्राचार्य अनिल कुमार आणि शाजिया अली यांना निलंबित करण्यात आले असून महंमद अली याला अटक करण्यात आली आहे.

१. संबंधित १२ विद्यार्थिनींच्या पालकांनी आरोप केला आहे की, महंमद अली त्यांच्या मुलींचे लैंगिक शोषण करत होता. अली हा पीडित मुलींच्या गुप्तांगांशी छेडछाड करत होता. शाळेतील प्रसाधनगृहात केस, ब्लेड आणि निरोध सापडल्याचेही सांगितले जात आहे. मुली प्रसाधनगृहात जाण्यासही घाबरत असत.
२. प्राचार्य अनिल कुमार यांच्यावर आरोप आहे की, शाळेत होत असलेल्या या घृणास्पद प्रकाराची तक्रार आल्यानंतरही त्यांनी त्या विरोधात काही केले नाही.
३. अन्य एक शिक्षिका नीरजा यांनी म्हटले की, या माध्यमातून अली हा ‘लव्ह जिहाद’चे षड्यंत्र रचत होता. अलीला विरोध केल्यास तो मुलींना नापास करण्याचे भय दाखवत होता.