(म्हणे) ‘द केरल स्टोरी’ चित्रपट दाखवणार्‍या चित्रपटगृहांची तोडफोड करू !’ – काँग्रेसचे झारखंडमधील आमदार इरफान अंसारीची धमकी

रांची (झारखंड) – ‘द केरल स्टोरी’ हा चित्रपट कोणत्याही चित्रपटगृहात दाखवल्यास त्या चित्रपटगृहाची तोडफोड करण्यात येईल, अशी धमकी झारखंडमधील काँग्रसचे आमदार इरफान अंसारी यांनी दिली आहे. ‘हा चित्रपट प्रदर्शित करणार्‍या चित्रपटगृहांच्या मालकांच्या विरोधात खटला प्रविष्ट केला जाईल’, असे अंसारी यांनी म्हटले आहे. अंसारी यांनी बजरंग दलाला ‘खुनी’ म्हणत त्यावर बंदी घालण्याची मागणी केली आहे. (भारतात झालेली शीखविरोधी दंगलीला काँग्रेस उत्तरदायी होती. त्याविषयी अंसारी यांनी बोलावे ! – संपादक)

‘द केरला स्टोरी’ पर कांग्रेस MLA इरफान अंसारी का बयान, कहा- झारखंड में इस फिल्म को नहीं लगने देंगे.. अगर फिल्म सिनेमाघरों में लगी तो तोड़फोड़ कर देंगे#Jharkhand #IrfanAnsari #Congress #TheKeralaStory pic.twitter.com/DJ5H5gc1Kn

— India TV (@indiatvnews) May 8, 2023

आमदार इरफान अंसारी यांनी म्हटले आहे की

१. ‘द केरल स्टोरी’च्या कथेमध्ये काही अर्थ नाही. धर्मांमध्ये फूट पाडणारा आणि लोकांचा अपमान करणारा हा चित्रपट आहे. (जिहादी आतंकवादाचे सत्य चित्रण करणार्‍या या चित्रपटामुळे जिहादी मानसिकेतेच्या अंसारीसारख्या काँग्रेसवाल्यांचा जळफळाट होणे स्वाभाविक आहे ! – संपादक)

२. बजरंग दलाला राज्यात कायदा हातात घेऊ देणार नाही. बजरंग दलाचे कार्यकर्ते लोकांना मारहाण करतात. जमावाकडून हत्या करण्याचे प्रकार ही बजरंग दलाची देणगी आहे. हे लोक मुक्तपणे फिरत आहेत. या मारेकर्‍यांना कोणत्याही परिस्थितीत सोडणार नाही. येथे आमचे सरकार आहे’’, अशी धमकी अंसारी यांनी दिली.