पुणे येथे ‘आयुर्वेद उपचार केंद्रा’च्‍या नावाने चालू होता वेश्‍या व्‍यवसाय !
पुणे – येथील सिंहगड रस्‍त्‍यावरील माणिकबाग परिसरात ‘आयुर्वेद उपचार केंद्रा’च्‍या नावाने चालू असलेल्‍या वेश्‍या व्‍यवसायावर गुन्‍हे शाखेच्‍या सामाजिक सुरक्षा विभागाने धाड टाकली आहे. कारवाई करत पोलिसांनी २ महिला, तसेच आयुर्वेद उपचार केंद्राचे मालक आणि व्‍यवस्‍थापक यांनाही कह्यात घेतले आहे. आयुर्वेद उपचार केंद्राच्‍या दोन्‍ही मालकांविरुद्ध गुन्‍हा नोंद केला आहे. या कारवाईत तेथून १ लाख ५२ सहस्र रुपयांचे भ्रमणभाषसंच आणि रोख रक्‍कम जप्‍त केली आहे. अशा प्रकारचे अवैध धंदे अजून कोणत्‍या ठिकाणी चालू आहेत ? याचा पोलीस शोध घेत आहेत.