पृथ्वीवरील कोणातीही जागा प्रदूषणापासून मुक्त नाही ! – संशोधन

सध्या वापरात असलेली ३ लाख ५० सहस्रांहून अधिक रसायने पर्यावरणाला प्रदूषित !

स्टॉकहोल्म (स्विडन) – प्रशांत महासागरात २६ सहस्र २४६ फूट खोलपर्यंत प्रदूषण पसरले आहे. २० व्या शतकात मानवनिर्मित प्रदूषणापैकी ६० टक्के प्रदूषण समुद्राच्या खोल तळाशी साचले आहे. यातून पृथ्वीवरील कोणातीही जागा प्रदूषणापासून मुक्त नाही, असा निष्कर्ष येथील स्टॉकहोल्म विश्‍वविद्यालयाच्या नैसर्गिक विज्ञान विभागाच्या शास्त्रज्ञांनी एका संशोधनाद्वारे काढला. ‘द नेचर’ या वैज्ञानिक नियतकालिकातून एप्रिल मासात हे संशोधन मांडण्यात आले आहे.

Long-Banned Pollutants Are Even in The Deepest Place on Earth, Study Reveals https://t.co/6EuErAsYVo

— ScienceAlert (@ScienceAlert) April 30, 2023

१. संशोधकांचे म्हणणे आहे की, सध्या जगभरात वापरात असलेली ३ लाख ५० सहस्रांहून अधिक रसायने पर्यावरणाला प्रदूषित करत आहेत. प्रशांत महासागराच्या तळाशी असलेले प्रदूषण मानवासाठी धोकादायक आहे.

२. पॅसिफिक महासागरात २६ सहस्र २४६ फूट खोल असलेल्या ‘अटाकामा ट्रेंच’ या पृथ्वीवरील सर्वांत खोल आणि दुर्गम ठिकाणी मानवनिर्मित प्रदूषक अलीकडेच सापडले आहेत. अशा दुर्गम ठिकाणी ‘पॉलीक्लोरिनेटेड बायफेनिल्स’ नावाचे प्रदूषक आढळून आले, असे संशोधकांनी म्हटले आहे.