बेंगळुरू येथील भाजपच्या कार्यालयाबाहेरील बाँबस्फोटाच्या प्रकरणी २ जणांना ७ वर्षांचा कारावास

बेंगळुरू (कर्नाटक) – येथील भाजपच्या कार्यालयाबाहेर १७ एप्रिल २०१३ या दिवशी झालेल्या बाँबस्फोटाच्या प्रकरणी राष्ट्रीय अन्वेषण यंत्रणेच्या विशेष न्यायालयाने डॅनियल प्रकाश आणि सय्यद अली या दोघांना ७ वर्षांच्या सश्रम कारावासाची शिक्षा सुनावली. यासह त्यांना ५० सहस्र रुपयांचा दंडही ठोठावला आहे. डॅनियल हा तमिळनाडूतील तिरुनेलवेल्ली येथे रहाणारा आहे. या बाँबस्फोटात १२ पोलीस आणि ६ नागरिक घायाळ झाले होते, तसेच काही वाहनांची हानी झाली होती.