दुर्ग (छत्तीसगड) येथे २५० ख्रिस्त्यांनी केली घरवापसी !

आता परतलेल्या हिंदूंना धर्मशिक्षण देऊन त्यांच्यामध्ये धर्माभिमान जागृत करण्यासाठीही प्रयत्न होणे आवश्यक !

(घरवापसी म्हणजे हिंदु धर्म त्यागून अन्य पंथात गेलेल्यांना पुन्हा हिंदु धर्मात घेणे)

दुर्ग (छत्तीसगड) – ‘राष्ट्र रक्षा महासंमेलन आणि घरवापसी २०२३’ या मोहिमेच्या अंतर्गत २५० लोकांची (१०० कुटुंबांची) घरवापसी करण्यात आली. या वेळी छत्तीसगड येथील भाजपचे नेते आणि ‘अखिल भारतीय घर वापसी’ उपक्रमाचे प्रमुख प्रबल प्रताप सिंह जुदेव हे मुख्य अतिथी म्हणून उपस्थित होते. त्यांच्याकरवी घरवापसी केलेल्या हिंदूंचे हिंदु धर्मात अधिकृत स्वागत करण्यात आले. या कार्यक्रमाचे आयोजन ‘सर्वहितकारिणी मानव सेवा संस्थान’ आणि समस्त हिंदु संघटना यांच्या संयुक्त विद्यमाने करण्यात आले होते.

गेल्या वर्षभरात जुदेव यांच्या नेतृत्वाखाली साधारण ३ सहस्र लोकांची घरवापसी करण्यात आली आहे.

‘To forget one’s ancestors is to be a brook without a source, a tree without roots.’

Honored to perform Gherwapsi of 100 converted Families in Durg (CG) to Sanatan Dharma🚩
Welcome home 🙏🏻@ARanganathan72 @kamakshidhanraj @vikramsampath @JaipurDialogues @MNageswarRaoIPS pic.twitter.com/Imo37qQGEm

— Prabal Pratap Singh Judev (@prabaljudevBJP) April 24, 2023

जानेवारी २०२३ : छत्तीसगडच्या महासमुंद जिल्ह्यात साधारण १ सहस्र १०० ख्रिस्त्यांनी हिंदु धर्म स्वीकारला.
ऑक्टोबर २०२२ : ओडिशा राज्यातील सुंदरगड जिल्ह्यात १७३ ख्रिस्ती कुटुंबांतील साधारण ५०० लोकांनी घरवापसी केली.
मार्च २०२२ : छत्तीसगडच्या महासमुंद जिल्ह्यात १ सहस्र २५० ख्रिस्त्यांनी स्वीकारला हिंदु धर्म !