काश्मीरमधील १ सहस्र ३०० वर्षे प्राचीन मार्तंड सूर्य मंदिरात ईदनिमित्त फोडण्यात आले फटाके !

मार्तंड सूर्य मंदिराचा इतिहास !

ललितादित्य मुक्तापीड नावाच्या गौरवशाली हिंदु राजाने ८ व्या शतकात मंदिराची उभारणी केली असल्याचे सांगितले जाते. या मंदिराच्या जवळ ८४ लहान मंदिरे होती. मार्तंड सूर्य मंदिराची भव्यता एवढी होती की, अलौकिक विजयनगर साम्राज्याची राजधानी हम्पीशी त्याची तुलना केली जात होती. ललितादित्य याचे शासन हे मध्य आशियापासून ईराण आणि भारत येथपर्यंत विस्तारित होते. त्याच्यानंतरच्या राजांचे सामर्थ्य मात्र अल्प होत गेले. त्यामुळे इस्लामी आक्रमकांनी वेळोवेळी मार्तंड मंदिरावर आक्रमणे केली.

१५ व्या शतकात मुसलमानांच्या एका सैन्याने या मंदिरावर चाल केली. मंदिराला पूर्णपणे नष्ट करण्यासाठी या सैन्याला संपूर्ण एक वर्ष लागले. यातून या मंदिराच्या भव्यतेचा अंदाज लावला जाऊ शकतो. आता या मंदिराचे केवळ अवशेषच शिल्लक राहिले आहेत.

संपादकीय भूमिका

• मुसलमान मुलांना मशिदीत फटाके फोडावेसे वाटले नाही; मात्र हिंदूंच्या मंदिराचे अवशेष शिल्लक राहिलेल्या मंदिरात ते फोडावेसे वाटले, हे लक्षात घ्या ! हिंदूंच्या मंदिराचे अवशेषही शिल्लक राहू नयेत, यासाठी महंमद घोरीचे वंशज आजही कार्यरत आहेत, हे जाणा !

• पुरातत्व विभाग झोपा काढत आहे का ? हिंदूंच्या प्राचीन धार्मिक स्थळांचे रक्षण करू न शकणारा पुरातत्व विभाग विसर्जित करा !