फॅशन म्हणून मंगळसूत्र न घालण्याची चूक करू नका !

अनेक महिला पाश्चात्त्यांचे अंधानुकरण करून विवाह झाल्यानंतरही मंगळसूत्र घालत नाहीत किंवा फॅशन म्हणून मंगळसूत्र गळ्यात घालण्याऐवजी हातात घालतात, तसेच काही ठिकाणी अविवाहित महिलाही मंगळसूत्र घालतात. हिंदूंना धर्मशिक्षण नसल्यामुळे हिंदु धर्मामध्ये सांगितलेल्या प्रत्येक कृतीच्या मागे शास्त्र आहे, हे लक्षात येत नाही. महान हिंदु धर्मामध्ये सांगितलेल्या प्रत्येक कृती मागील शास्त्र समजून घेऊन कृती केल्यास त्याचा लाभ होतो.

मंगळसूत्राचे महत्त्व

१. मंगळसूत्र हा सर्वांत अधिक प्रमाणात ईश्वरी तत्त्व आकृष्ट करणारा अलंकार आहे.

२. मंगळसूत्रादी सौभाग्यालंकार म्हणजे स्त्रीला तिच्या पातिव्रत्याची जाणीव करून देणारे, तसेच तिचे वाईट शक्तींपासून रक्षण करणारे माध्यम आहे.