राष्ट्रीय स्वयंसेवक संघाकडून भारतरत्न डॉ. बाबासाहेब आंबेडकरांना अभिवादन !

कोल्हापूर – राष्ट्रीय स्वयंसेवक संघाकडून बिंदु चौक येथील भारतरत्न डॉ. बाबासाहेब आंबेडकरांच्या पुतळ्यास पुष्पहार अर्पण करून अभिवादन करण्यात आले. या वेळी स्वयंसेवकांकडून बुद्धवंदना म्हणण्यात आली. या प्रसंगी जिल्हा संघचालक डॉ. सूर्यकिरण वाघ, जिल्हा कार्यवाह केदार जोशी, समरसता विभागाचे सुनील वांकर, संदीप कांबळे, उमेश कांबळे, विवेक मंद्रुपकर, अनिरुद्ध कोल्हापुरे, अधिवक्ता सुधीर वंदूरकर-जोशी यांच्यासह अन्य कार्यकर्ते उपस्थित होते.

सकल हिंदु समाजाकडून सरबत वाटप !

सकल हिंदु समाजाच्या वतीने भारतरत्न डॉ. बाबासाहेब आंबेडकर यांच्या जयंतीच्या निमित्ताने बिंदु चौकात त्यांना अभिवादन करून भीम अनुयायी जनतेला सरबत वाटप कार्यक्रम घेण्यात आला.