संत तुकाराम महाराज पालखीचे प्रस्थान १० जूनला होणार !

पुणे – संतश्रेष्ठ जगद्गुरु तुकाराम महाराज पालखी सोहळ्याचे वेळापत्रक संस्थानकडून प्रसिद्ध केले आहे. यंदा १० जून या दिवशी देहू येथून वारी प्रस्थान करेल. पालखी सोहळ्याचे हे ३३८ वे वर्ष आहे. १० जून रोजी प्रस्थान होऊन २८ जून या दिवशी पालखी पंढरपुरात पोचेल. हा १९ दिवसांचा पालखी प्रवास असणार आहे. आषाढी एकादशीनंतर म्हणजेच २९ जून ते ३ जुलैपर्यंत पालखीचा मुक्काम प्रदक्षिणा मार्गावरील संत तुकाराम महाराज संस्थानच्या नवीन इमारतीमध्ये असेल. त्यानंतर परतीचा प्रवास चालू होऊन १३ जुलै या दिवशी पालखी देहू येथे विसावेल.