मुख्यमंत्री गेहलोत भ्रष्टाचारी भाजपवाल्यांना पाठीशी घालत आहेत ! – काँग्रेसला घरचा आहेर

जयपूर (राजस्थान) – राजस्थानमधील काँग्रेसच्या सरकारवर काँग्रेसचेच नेते सचिन पायलट यांनी टीका केली आहे. सरकार भ्रष्टाचार्‍यांवर कारवाई करत नाही, असा आरोप करत त्यांनी ११ एप्रिल या दिवशी एक दिवसांचे उपोषण करण्याची घोषणा केली.

सचिन पायलट यांनी मुख्यमंत्री अशोक गेहलोत यांच्यावर आरोप केला की, त्यांनी भाजपसमवेत तडजोड केली असून ते भाजपच्या नेत्या आणि माजी मुख्यमंत्री वसुंधरा राजे यांना भ्रष्टाचाराच्या प्रकरणातून वाचवत आहेत. भाजपने केलेले घोटाळे गेहलोत सरकार दडपत आहे.