ध्येय आता केवळ गुरुचरणांचा ध्यास ।

गुरु माता-पिता; गुरु बंधू, सखा ।
तव चरणी स्वामी माझे कोटी प्रणाम ।। १ ।।

हे दयाघना, हे श्रीकृष्णा, कशी आळवू रे मी तुला ।
समजे ना या मनाला ।। २ ।।

देवा, कसे करू तुझे स्मरण ।
समजे ना या मनाला ।। ३ ।।

देवा, कशी बाहेर पडू या विचारांच्या विळख्यातून ।
तूच सांग ना रे नाथा ।। ४ ।।

कशी करू या मनाला अंतर्मुख ।
तूच सांग ना रे गुरुराया ।। ५ ।।

देवा, अखंड स्मरायचे आहे तुला ।
करायची आहे झोकून देऊन सेवा ।। ६ ।।

करून घेशील ना या पामराकडून प्रयत्न ।
घेशील ना या जिवाला तुझ्या जवळ ।। ७ ।।

व्याकुळ झाले मी ।
आता येण्या तव चरणी ।। ८ ।।

नको आता कशाचीच आस ।
ध्येय आता केवळ गुरुचरणांचा ध्यास ।। ९ ।।

मात करूनी स्वभावदोष आणि अहं यांवरी ।
व्हायचे आहे समर्पित तुझ्या चरणी ।। १० ।।

कृतज्ञताभावात राहून करून घे तूची प्रयत्न ।
हीच प्रार्थना या जिवाची तव चरणी ।। ११ ।।

अडकायचे नाही आता कशात ।
रहायचे आहे देवाच्या मनात ।। १२ ।।

– कु. मानसी अग्निहोत्री, सनातन आश्रम, रामनाथी, गोवा.