ज्ञानवापीतील शिवलिंगाचे वयोमान पडताळण्यावर तात्काळ प्रतिज्ञापत्र सादर करा !

अलाहाबाद उच्च न्यायालयाचा भारतीय पुरातत्व सर्वेक्षण विभागाला आदेश

प्रयागराज (उत्तरप्रदेश) – येथील काशी विश्‍वेश्‍वर मंदिराच्या लगत असणार्‍या ज्ञानवापीमध्ये सापडलेल्या शिवलिंगाचे वयोमान पडताळण्यासाठी भारतीय पुरातत्व सर्वेक्षण विभागाला तात्काळ त्यांचे प्रतिज्ञापत्र सादर करण्याचा आदेश अलाहाबाद उच्च न्यायालयाने दिला आहे.

यावर पुढील सुनावणी ५ एप्रिल या दिवशी होणार आहे. न्यायालयाने या वेळी म्हटले की, भारतीय पुरातत्व सर्वेक्षण विभागाकडून अधिक वेळ देण्याची मागणी केली जाऊ नये.