गोवा : मये येथे २२ ते २८ मार्च गोमातेवरील शास्त्रीय ज्ञानावर आधारित संवादात्मक कार्यक्रम

गोमंतक गोसेवक महासंघ आणि पतंजलि परिवार यांचा उपक्रम

मये,१९ मार्च (वार्ता.) – गोमंतक  गोसेवक महासंघ आणि पतंजलि परिवार यांच्या वतीने सिकेरी, मये येथील गोशाळेत २२ ते २८ मार्च या कालावधीत दुपारी ४ वाजता प्रा. डॉ. हितेश जानी यांच्यासमवेत गोमातेवरील शास्त्रीय ज्ञानावर आधारित संवादात्मक कार्यक्रमाचे आयोजन करण्यात आले आहे.

हा कार्यक्रम विनामूल्य आहे, तरी कार्यक्रमात सुसूत्रता यावी यास्तव इच्छुकांनी अवश्य नावनोंदणी करावी, असे अयोजकांच्या वतीने कळवण्यात आले आहे.

व्याख्याने पुढीलप्रमाणे असतील . . . 

या कार्यक्रमात गोवा आयुर्वेदिक आणि इतर संबंधित भारतीय औषध प्रणाली परिषद, आयुर्वेद व्यासपीठ (गोवा शाखा), गोवा आयुर्वेदिक मेडिकल असोसिएशन (GAMA), आरोग्य भारती (गोवा शाखा), गोवा कृषी विभाग, गोवा सरकार; गोवा पशूसंवर्धन विभाग, गोवा सरकार आणि भारतीय कृषी संशोधन परिषद गोवा शाखा सहभागी असतील.

या अनोख्या; पण उपयुक्त अशा व्याख्यानमालेसाठी नागरिक, शेतकरी, दूध उत्पादक, पर्यटन व्यावसायिक, महिला बचत गट इत्यादी सर्वांनी सिकेरी गोशाळेमध्ये मोठ्या संख्येने उपस्थित रहावे, असे आवाहन गोमंतक गोसेवक महासंघाचे संस्थापक श्री. कमलाकांत तारी यांनी केले आहे.