‘श्री गुरूंचे चरण’ ही जगातील सर्वांत सुरक्षित जागा !

‘सध्या आपत्काळामध्ये तरून जाण्याच्या दृष्टीने आपण सर्व जण प्रयत्न करत आहोत. आपण विविध ठिकाणी सुरक्षित जागा बघत आहोत, तसेच सौर ऊर्जा आणि विविध वस्तू यांची सिद्धता करत आहोत. हे सर्व करत असतांना माझ्या मनात विचार आला, ‘ही सिद्धता आपण आज्ञापालन म्हणून करायचीच आहे. त्याच समवेत हेही लक्षात घ्यायला हवे, ‘जगात सुरक्षित जागा केवळ एकच आहे आणि ती म्हणजे ‘श्री गुरूंचे चरण’ ! काहीही झाले, तरी हृदयातून श्री गुरूंचे चरण सुटू द्यायचे नाहीत. त्यांना हृदयात घट्ट साठवून ठेवायचे. मग जगाच्या पाठीवर आपण कुठेही असलो, तरी सुरक्षितच राहू. ही सुरक्षितता केवळ स्थूल देहापुरती नसून सूक्ष्मातीसूक्ष्म देहांच्या संदर्भातही आहे.’

– श्री. नीलेश सुधाकर पाध्ये, ढवळी, फोंडा, गोवा (२.८.२०२१)