सातारा जिल्ह्यात एका रात्रीत ४ घरफोड्या !

सातारा, २४ फेब्रुवारी (वार्ता.) – सध्या सातारा जिल्ह्यात दरोडेखोरांनी घरफोड्यांचे सत्र चालू केले असून २३ फेब्रुवारीच्या रात्री जिल्ह्यात ४ ठिकाणी घरफोड्या झाल्या आहेत. खटाव तालुक्यातील ललगुण आणि डिस्कळ, तर सातारा तालुक्यातील निगडी आणि तामजाईनगर, शाहूपुरी येथे या घरफोड्या झाल्या आहेत.

मध्यरात्री झालेल्या या घरफोड्यांमध्ये अज्ञात चोरांनी रोख रक्कम, भ्रमणभाष आणि सोन्या-चांदीचे दागिने चोरले आहेत. जिल्ह्यातील सातारा तालुका पोलीस ठाणे आणि पुसेगाव पोलीस ठाण्यात अज्ञातांविरोधात तक्रारी प्रविष्ट करण्यात आल्या आहेत.