अभिनेत्री स्वरा भास्कर आणि फहद यांचा विवाह अनधिकृत – मौलाना शहाबुद्दीन

अलीगड मुस्लिम विश्वविद्यालयात नवदांपत्याच्या स्वागत समारंभाची जोरदार सिद्धता

शैक्षणिक संकुलात अशा वैयक्तिक कार्यक्रमांना अनुमती मिळते कशी ?

स्वरा भास्कर आणि फहद यांच्या विवाहानिमित्त अलीगड मुस्लिम  विश्वविद्यालयात स्वागत समारंभाची (रिसेप्शन) जोरदार सिद्धता चालू आहे. यासाठी या विश्वविद्यालयातील विद्यार्थी संघटनेचा माजी उपाध्यक्ष फैजुल हसन याने पुढाकार घेतला आहे. फहद हाही याच विश्वविद्यालयाचा माजी विद्यार्थी आहे.

तथापि या विश्वविद्यालयाचा अन्य एक माजी उपाध्यक्ष नदीम अंसारी याने या स्वागत समारंभाच्या आयोजनाला विरोध दर्शवला आहे. तो म्हणाला, ‘‘अलीगड मुस्लिम विश्वविद्यालय हे एक शैक्षणिक संकुल असून तेथे असे कार्यक्रम आयोजित करणे अशोभनीय आहे. मी यास विरोध करीन.’’