शिवजयंती निमित्त शहापूर येथे कवी संमेलनाचे आयोजन

ठाणे – शहापूर येथील जनक्रांती संघटना ,ग्रामसाप, साप्ताहिक शिवमार्ग आणि लोक हिंद चॅनेलच्या वतीने १९ फेब्रुवारी २०२३ या दिवशी रोजी सायंकाळी ४ ते ७ या वेळेत शिवजयंती निमित्ताने “प्रिय शिवबास…”या नावाने काव्य संमेलन आयोजित करण्यात आले आहे. शिवकाव्याच्या माध्यमातून शिवविचारांचा गौरव करण्यात येणार आहे.

हा कार्यक्रम येथील छत्रपती शिवाजी महाराज चौक भागातील महाराष्ट्र बँकेच्या समोर असलेल्या देशमुख वाडा, येथे  होणार आहे. राज्यस्तरीय २५ कवी छत्रपती शिवराय यांच्यावर कविता सादर करणार आहेत. या संमेलनात उत्कृष्ट ३ कवींना रोख रक्कम, पुस्तके आणि प्रमाणपत्र देऊन गौरविण्यात येणार आहे, तर सर्व कवींना सहभागाचे प्रमाणपत्र देण्यात येणार आहे. परीक्षक म्हणून जेष्ठ नाटककार पंढरीनाथ पांढरे, जेष्ठ कवी प्रा.मधुकर हरणे, युवा कवी प्रा.नितीन पडवळ हे काम पाहणार आहेत.
शिवप्रेमी आणि काव्य रसिकांनी संमेलनाचा लाभ घेण्यासाठी उपस्थित रहावे, असे आवाहन प्रिय शिवबास संमेलन समितीचे अध्यक्ष परशुराम पितांबरे, साप्ताहिक शिवमार्गचे संपादक महेश धानके, जनक्रांतीचे प्रदेश अध्यक्ष नितीन घरत यांनी केले आहे.